Jinsi ya Kuuza Bidhaa, Ujuzi Kupitia WhatsApp Business

Jinsi ya Kuuza Bidhaa, Ujuzi Kupitia WhatsApp Business

Siku moja nilikuwa nimekaa zangu ghetto mida ya saa kumi na mbili jioni nasoma Hekaya za Abunuwasi, ghafla ujumbe ukatumwa kupitia whatsApp kutoka kwa rafiki yangu akisema nimsaidie kutangaza hard disc drive aliyokuwa anauza.

Bila hiana kesho yake nikaipost kwenye status yangu, baada ya muda mfupi  habari njema zikaanza kuonekana kwenye whatsApp chat na hatimae hard disc hiyo iliweza kununuliwa. 

Tangu siku hiyo, Fikra zangu kuhusu WhatsApp zilibadilika kabisa nikajisemea moyoni “Kumbe WhatsApp inaweza kuwa iko vizuri zaidi kuliko Twitter na Instagram!” Kwamba kupitia status unaweza kuuza kitu chochote na watu wakanunua. 

Unapataje wateja?

Simple, mteja ni yeyote yule anayeweza kuona status zako. Anaweza asiwe mteja wako moja kwa moja lakini akawa na marafiki zake wanaohitaji bidhaa unayouza, kupitia yeye utapata wateja ambao wao pia wana marafiki zao wengine hivyo utajikuta umepanua biashara yako.

Utakuwa unatafutwa na watu ambao hujawahi hata kuonana nao wala kuongea nao hapo mwanzo. Jambo siyo rahisi kivile mwanzo siku zote ni mgumu lakini mdogo mdogo ukikomaa utaona matokeo yake.  

Haikugharimu chochote kupost vitu unavyouza kwenye WhatsApp status yako. Vijana wengine wanaogopa kujulikana kuwa wanafanya biashara fulani ndo mana huwa hawapost kazi zao. 

Kama ni mjasiriamali mkubwa unaweza kujifunza zaidi jinsi ya kutumia WhatsApp business kuuza na kutangaza biashara yako.

Unamwogopa nani, unahofia nini au  kazi unayoifanya ni haramu? WhatsApp ni fursa moja nzuri ambayo wachache wanaojua kuitumia vizuri wanafaidika sana.  

WhatsApp Channel na WhatsApp Group.

Kabla ya kuongezwa kwa WhatsApp channel feature wengi walikuwa wanatumia whatsapp group kuendesha shughuli zao mbali mbali ikiwemo uelemishaji, seminas, kupashana habari pamoja na kufanya biashara zao huko. 

Lakini kila kukicha mambo mapya yanaibuliwa leo hii tuna WhatsApp Channel inayokupa fursa ya kuwafikia mamilioni ya watu wanaokadiliwa kuwa ni 2.78billion na wanazidi kuongezeka kila siku. 

Kuna uwezekano mkubwa wa channel utakayotengeneza kuonekana kwa watu wengi wanaotumia WhatsApp kwa sababu by default iko public, yeyote anaweza kufollow channel hiyo. Nadhani ulishawahi kuziona kwenye whatsapp yako kama ambavyo zinaonekana kwangu hapa. 

Jinsi ya kutengeneza WhatsApp Channel

Kutengeneza WhatsApp chanell ni rahisi kabisa fungua application yako ya WhatsApp, nenda kwenye updates 

  • Bonyeza alama ya kujumuisha 
  • Create channel 
  • Click continue 
  • Upload profile picture, Channel name na description.
  • Click Continue 

Hapo utakuwa tayari umeshatengeneza WhatsApp channel kinachofuata ni wewe kuendeleza channel yako.

Jinsi ya kutafuta fursa za kazi kupitia WhatsApp. 

Kwa anayetafuta kazi au bado ni mwanafunzi, whatsapp ni sehemu nzuri ya kutangaza na kuonyesha uwezo ulionao juu ya kazi fulani.

Hapa unaweza ukawa unapost mambo ya kawaida kuhusu vitu unavyofanya, unavyovifahamu mfano graphics design, web development, afya, utalii, cryptocurrency n.k.  

Fursa haziji hivi hivi  ukiwa umelala nakumbuka siku za nyuma nilikuwa nashiriki kwenye mijadala kwenye magroup ya watu wengine huko nilijitahidi kutoa mchango wangu kulingana na uelewa wangu kuhusu mada walizokuwa wanazungumzia na uhalisia wa mambo yalivyo, pale walipoenenda tofauti niliwaambia. 

Aisee kama unajua unajua tu ilikuwa saa nne usiku kiongozi wa hilo group akanitumia ujumbe kama unavyosomeka hapo chini.

Mtu akianza kukutafuta kwa njia kama hizi jua kuna kazi umefanya, hizi ndiyo connection. Unatangaza na kukuza jina kwa style kama hii. 

Ninachotaka kusema ni kwamba fursa za kazi zinaweza kupatikana sehemu yoyote ile siyo lazima uende kuomba kazi maofisini hata kupitia whatsApp unaweza kufanikisha hili.

Hao hao watu unaobonga nao kila siku wanaweza wakakurecommend sehemu kutokana na vitu ambavyo huwa unashare nao. 

Watu hatufanani leo hii mko wote sawa kesho mwenzako manager wewe mtafuta ajira kwa hiyo siku moja historia inaweza kukubeba manager kaona kuna kazi uwezekano wa kukujulisha au kukuita ni mkubwa kwa sababu alishawahi kuona mambo unayofanya na ni yanauhusiano na kazi iliyopo.

Sasa vipi kama ungekuwa unaongea pointless ukiwa na wenzako je, unaweza kweli ukaitwa kwa style hii? Hapana huwezi. 

Kama ni kijana jitahidi kuheshimu wenzako kwenye magroup wanapojadili mada zao hata kama wote mko level moja.

Chukulia hiyo ndiyo fursa ya kujitangaza na kuonyesha umahili wako huwezi kujua huko mbeleni mambo yanaweza kuwaje. Kuwa serious hiyo ni fursa itumie vizuri. 

Kupitia WhatsApp status.

Vijana hasa wale wanaosoma huwa hawataki kuonyesha kile wanachokijua. Utakuta kwenye status ameweka memes mwanzo mwisho, picha zao mwanzo mwisho, vichekesho mwanzo mwisho yaani hakuna hata kiashiria kinachoonyesha ujuzi wao. 

Siyo mbaya lakini kitu cha kujiuliza ni kuwa unaacha nini kwenye vichwa vya waangaliaji wa status zako. Mtu akiangalia status zako mbili tatu anaweza kujua akili yako ikoje na una mawazo yapi.

Kama kweli unataka kutafuta kazi kupitia WhatsApp jaribu angalau kuwa open kwenye status zako sema ni nini unajua, unafanyaje na unaweza kumsaidia nani.

Unaweza usione matokea kwa muda huo lakini baada ya muda utaanza kutafutwa. Nimeshasema usimdharau mtu kwa kuangalia hadhi aliyonayo leo. 

Yote kwa yote mchukulie mtu anaeangalia status zako kama mwajiri wako wa baadae. Jiamini na careers yako hata kama hutakuja kuwa huyo uliye leo kuna kitu lazima utajifunza.  

Mwisho.

Fursa nyingi tunazo mikononi mwetu, pesa tumezishikilia lakini bado tunahangaika kutumia njia ngumu katika kusaka tonge. WhatsApp ipo kwa ajili yako wewe mwenye maono ya mbali. Siku zote kazi zipo je, unazitafutaje, wateja wapo kila siku shida unawatafutaje? Maamuzi yako leo ndiyo matokeo ya kesho.

Fahamu Jinsi ya Kuuza Bidhaa, Ujuzi Mtandaoni

Fahamu Jinsi ya Kuuza Bidhaa, Ujuzi Mtandaoni

Mtandaoni ni sehemu ambayo maajabu hutokea, mambo ambayo wengi hudhani hayawezekani huku huwa yanawezekana hasa kwako wewe unayetazamia kuuza bidhaa au ujuzi wako kupitia majukwaa ya kidigitali. 

Kabla ya yote fahamu hili, ni vigumu sana kuuza bidhaa kwa watu ambao hawakujui. Kuza jina lako kwanza watu wakufahamu ili iwe rahisi kupata wateja mtandaoni.

Watu hununua bidhaa kutoka kwa watu wanaowafahamu sasa wewe jiulize watu wanakufahamu? Siyo tu kujulikana ni kitu gani cha tofauti wanaweza kukipata kwako nao wakafaidika nacho?

Iwe ni mwanafunzi unatafuta kazi mtandaoni, iwe ni mfanya biashara unatafuta wateja mtandaoni, iwe ni mjasiriamali unataka kuuza kitabu mtandaoni, haya ni mambo muhimu inakubidi uyafahamu na kuyafanya.

Share Story yako

Hichi ni kipengele ambacho wafuasi (followers) wako hujisikia wote mko pamoja, mnapitia matatizo yale yale, wanakuchukulia kama ni wa kwao waSwahili wanasema mcheza kwao hutunzwa. 

Jenga story zako kutokana na vitu ulivyovifanya, unavyovifanya, changamoto gani ulikutana nazo na ulizitatuaje? Hapa tuelewana unapokuwa unatengeneza maudhui ya aina hii jaribu kuhusianisha story yako na changamoto ambazo watu wanazipitia kila siku.

Unaweza pia ukawa unatengeneza maudhui yanayohusu maisha ya kawaida kabisa, lengo hapa ni kujenga uaminifu ili watu wakufahamu na waendelee kukufuatilia zaidi. Watu hawanunui bidhaa au ujuzi wako wananunua jina na story zako. 

Uwepo wako mtandaoni.

Mteja akikuta duka limefungwa anaenda zake duka jingine hivyo hivyo hata katika majukwaa ya kidigitali kama huonekani kila mara. Haupost maana yake huhitaje wateja tena, maana yake umefunga biashara yako – Asiyekuwepo na lake halipo. 

Onyesha uwepo wako kwa kupost, kushiriki na creators wengine kwenye majukwaa ambayo target audience yako ipo. Uwepo wako mtandaoni ndio utakaokufanya uongeze watu wanaokufuatilia, usisahaulike mapema na kukuza jina lako pia. Utashuhudia mabo haya yakitukia kukuhusu wewe. 

  • Muone fulani huwa anafanya hiki.
  • Muone fulani atakusaidia.
  • Muone fulani huwa anazungumzia hivi vitu.

Hivi ndivyo jina lako litazidi kukua zaidi na usisahaulike kwenye masikio ya watu wanaokufuatilia. 

Uvumilivu

Kuna muda inafika kila kitu unachokifanya hakiendi, unapost lakini wapi hata likes, comment zenyewe hazionekani, hakuna maendelea yanayoonyesha matumaini yoyote siku za usoni lakini kama nilivyokwisha kusema hapo awali miujiza hutokea mtandaoni. 

Siku usiyoitegemea, saa usiyoijua, mtu ambae hujawahi kukutana nae wala ku-engage nae kwenye post zako. Mteja ambae hukuwahi kumuona tangu kuumbwa kwa ulimwengu siku hiyo anakuja inbox kwako kutaka huduma unayoitoa, kununua kitabu unachokiuza au kufanya kazi na wewe. 

Hadhira yako

Majukwaa ya kidigitali yana hadhira wanotofautiana hivyo ni vyema kujua hadhira yako ni ipi ili uweze kutengeneza maudhui yatakayowalenga moja kwa moja. Usiwe kama watu wa global climate wanaozungumzia global issues asscociated with climate. 

Ukijua hadhira yako ni Watanzania usijichoshe saana kuanza kuandika kingereza ambacho kitampa msomaje kuelewa ujumbe wako haraka fanya hivi nyooka na kiswahili mubashara ambacho hata mama mboga sokoni anaweza kukielewa.

Mtanzania anayehitaji huduma yako hataki hata kujua wewe unajua kimombo kiasi gani anachohitaji ni kutatua changamoto zake basi, liangalie hilo kwa jicho la pili.

Lakini kama hadhira yako ni wale wasiojua kiSwahili vivyo hivyo komaa na kimombo. Aidha kuna wale wa code switching ambao pia itahidi ufanye kutumia lugha zote mbili leo unapost kwa kingereza, masaa fulani kwa kiswahili. 

Kwenye kuwasilisha maudhui yako usiongee na watu wote, ongea na mtu mmoja mfano “sehemu ambayo unaweza kujifunza maarifa ya kidigitali ni Linkedin premium, je unafahamu jinsi ya kujiunga pamoja na faida zake?” hapo unaongea na mtu mmoja lakini ujumbe ni kwa wote wasioijua LinkedIn premium na faida zake. Fanya hivyo kila unapowasilisha maudhui yako itakusaidia.

Tunza malengo yako

Jiulize malengo yako ya kuwepo kwenye huo mtandao ni yapi hasa? pia jitahidi kurejea malengo yako kila mara. Kuna watu wanastruggle kidogo tu anajaribu motivation oya! Motivation zinatembea balaa. Huyoo! Kila siku unamuona anapost motivation.

Acha nikwambie ukikomaa na motivation sana utajikuta DM kweupe, hakuna kazi, hakuna fursa yoyote unayopewa japo likes kwenye post zako ni nyingi. 

Motivation hazilipi chochote labda upewe kazi ya kutangaza bidhaa fulani kwenye kurasa zako. You guy amini kile ulichonacho na onyesha watu wakujue japo mwanzo ni mgumu sana. 

Mwisho

Kuna namna nyingi za kuuza ujuzi, bidhaa mtandaoni zingine utajifunza ukiwa tayari unatumia hizi nilizoandika hapo juu.

Wazungu wanasema mistakes are the best way of learning hivyo ukipata hasara, changamoto yoyote jifunze kwayo wala usikate tamaa kwa sababu maisha lazima yaendelee. 

Jinsi ya Kujiunga LinkedIn Premium Bure (na faida zake)

Jinsi ya Kujiunga LinkedIn Premium Bure (na faida zake)

Je, ulishawahi kujaribu kujiunga linkedin premium ukashindwa? Ulishindwa kwa sababu ni ya kulipia? Linkedin premium ina faida gani? Au hujawahi kabisa kufikiria kuhusu Linkedin premium?

Leo nimekusogezea hatua kwa hatua jinsi ya kujiunga Linkedin premium bure na faida zake.  

Kwanza ijulikane kuwa linkedin premium ni ya kulipia LAKINI inatolewa bure kwa mwezi mmoja tu wa mwanzo baada ya kujiunga.

Offer hii ni kwa yeyote ambaye ndio mara yake  ya kwanza kujiunga Linkedin premium baada ya hapo atatakiwa kusitisha au kulipia ili kuendelea.  

Jinsi ya kujiunga Linkedin Premium Bure.

1.Nenda kwenye profile yako ya linkedIn.

Bonyeza profile yako, angalia chini sehemu iliyoandikwa “Try Premium for free, au Try Premium for TZS0”. Kwa yule ambae tayari ameshawahi kuitumia atakuta imeandikwa “Reactivate premium”. Bonyeza hiyo sehemu.

2. Jibu maswali utakayoulizwa.

Baada ya kubonyeza Try premium itakupeleka sehemu ambapo utatakiwa kujibu baadhi ya maswali kwa kutick vibox vilivyopo, bonyeza NEXT, waweza pia kubonyeza skip ili kuendelea 

3. Chagua huduma unayoitaka

Hapo kuna huduma nne ambazo LinkedIn huzitoa utachagua mwenyewe unataka ipi kati ya Career, Business, Sales Navigation Core au Recruiter

Kati ya huduma hapo juu bonyeza huduma moja unayotaka kufaidika nayo. 👇

4. Bonyeza Try 1 month free ili kuendelea.

5. chagua njia ya malipo na jaza taarifa za malipo.

Hapa unaweza kutumia Mpesa visa card au kadi yako ya Bank kujaza taarifa zinazohitajika. Ikiwa huna visa kadi unaweza kutengeneza mpesa visa card  kwenye simu yako ndani ya dakika moja. 

Kumbuka: hakuna pesa yoyote utatozwa ndani ya mwezi mmoja baada ya kujisajili ni BURE, hautakatwa pesa yoyote iliyopo kwenye kadi yako mpaka mwezi mmoja utakapoisha. 

6. Bonyeza Start my Free Trial.

Hapo utakuwa tayari umemaliza kujiunga LinkedIn premium bure ndani ya mwezi mmoja wa mwanzo.

LinkedIn hutoa offer hii kila baada ya mwaka mmoja maana yake ukijiunga leo kupata tena offer hii ni mwakani tarehe kama ya leo. 

Faida za kutumia LinkedIn premium.

1.  Fursa ya kusoma kozi mbali mbali bure. 

Kozi yoyote unayotaka kusoma mfano  Marketing, Recruiting processes, Graphic designing, SEO, Video Editing, Copyrighting, Human development n.k utazipata kwa 0TZS ni wewe na bando lako tu. 

Baada ya kumaliza kozi utatunukiwa cheti cha kumaliza kozi hiyo ambayo unaweza kuweka kwenye profile yako, sehemu ya Licence and certification kwa sababu watakupa Url ya kuweka pale. 

2. Fursa ya kuona nani ameangalia profile yako. 

Mara nyingi kama huna premium huwezi kuona ni kina nani wameangalia profile yako, kwa wale ambao hawana premium ukiangalia  who’s viewed your profile haionyeshi sura za walioangalia profile yako. Kwa hiyo premium itakupa fursa hiyo ya kuona watu wanaopekua ukurasa wako.

Fursa hiyo itakupa njia nzuri ya wewe kuangalia ni vitu gani ufanye ili uwavutie zaidi hao wanaopakua kurasa yako kwa sababu mtu hawezi kuangalia profile yako pasipo sababu yoyote.   

3. Fursa ya kutuma ujumbe kwa mtu yeyote Linkedin.

Baada ya kujisajili, utapata fursa ya kumtumia mtu yeyote ujumbe iwe ni 1st au 2st connection wako. Mfano, unataka kutuma ujumbe (Dm) kwa mtu uliyevutiwa na post zake lakini baada ya kubonyeza ile button ya Message unaambiwa “Message X with premium” au  kwenye ile message kuna kikufuli yaani huwezi kutuma ujumbe kwa mtu mpaka ujisajili na premium. 

Kwa hiyo ukishajiunga premium utapewa hiyo ruksa ya kutuma ujumbe kwa yeyote yule.

4. Fursa ya kutuma Inmail kwa waajili Linkedin. 

Kama utachagua career premium plan utapewa ruksa ya kutuma inmail kwa waajili utakaopendezwa nao ambao kwa namna moja ama nyingine wanaweza kuwa mkombozi wako kwenye suala la ajira/kazi. 

Kuna fursa nyingi pia kwa wale waajili wanaotafuta kuajili wafanyakazi kwenye kampuni, biashara zao kupitia LinkedIn. 

5. Inatoa taarifa kuhusu nafasi za kazi zinazotangazwa na makampuni.

Hivyo ndivyo unaweza kujiunga  linkedin premium bure kabisa. kama bado hujajiunga Linkedin unaweza kuangalia hapa jinsi ya kujiunga linkedin na jinsi ya kutengeneza profile itakayokupatia fursa.

Msisitizo; Usisahau kusitisha offer hii kabla siku 30 hazijapata kupita kwa msaada zaidi LinkedIn watakutaarifu kusitisha kwa kukutumia ujumbe kwenye email yako.